Телото на млада манекенка било пронајдено распарчено, а деловите биле оставени во фрижидер во изнајмена куќа во Хонг Конг. Аби Чои (28) беше манекенка во подем од Хонг Конг која ја красеше насловната страница на едно списание во Монако токму овој месец.
Полицијата дошла до ужасно откритие во куќа во село, на околу половина час возење од центарот на градот.
Откако упаднале во куќа изнајмена од нејзиниот поранешен свекор во петокот попладне, полицајците откриле две нозе во фрижидер, како и лична карта на жртвата, кредитни картички и други предмети, соопшти полицијата, пренесе The Sun.
Во лонци со супа е пронајдено човечко ткиво, додека главата, торзото и рацете на жртвата не биле на местото на настанот.
Тој додаде дека станот бил внимателно уреден од ладнокрвни убијци.
„Во станот е пронајден алат со кој се распарчувале човечки тела, вклучувајќи мелници за месо, моторни пили, долги мантили, ракавици и маски“, соопшти полицијата.
На јавноста и беше кажано дека куќата ја изнајмил поранешниот свекор на Аби пред само неколку недели. Полицијата уапсила тројца роднини на поранешниот сопруг на манекенката додека ја продолжуваат потрагата по него.
Изворите велат дека манекенката, која се појави на насловната страница на модниот магазин L’Officiel Monaco овој месец, последен пат била видена жива во вторникот во Таи По, надвор од Хонг Конг, за време на кратко возење во близина на домот каде што биле пронајдени нејзините останки.
Полицијата почнала да ја бара во четвртокот. Се верува дека младата жена имала финансиски спор со нејзиниот поранешен сопруг и неговото семејство во вкупна вредност од 100 милиони (хонгконгшки) долари. А приказната за нејзиното наводно расипништво се појави и во медиумите.
Минатата недела, Аби сподели фотографија од насловната страница на списанието со нејзините речиси 90.000 следбеници на Инстаграм.
„Таа напиша: „Од Хонг Конг до насловната страница на L’Official Monaco, моето патување како стилска икона продолжува“.
На почетокот на овој месец, таа сподели слика од себе на модната ревија на Dior во Париз.
