Како нарачател на насилството во Центар, Судот го прогласи за виновен и го осуди на затвор од година и пол, а последната пресуда ја доби вчера за случајот „Плацевите на Водно“. Изречена му е казна од 7 години за криење имот, а одземени му се и вкупно 5 стана.
Во судското досие на Груевски фигурираат и три други случаи за кои се товари:
„ТИТАНИК“ – обвинет за изборни неправилности, злосторничко здружување, злоупотреба на средства за финансирање на изборната кампања во 2012 година и повреда на гласачко право.
„ТНТ“ – обвинет за злоупотреба на службената положба.
„ТРАЕКТОРИЈА“ – обвинет за примање награда за противзаконско влијание, но во овој случај на Груевски му е застарено кривичното дело.
Но, иако е во бегство, екс-премиерот будно ги прати судските случувања во земјава. Преку платформата Фејсбук постојано ги коментира одлуките и обвинувањата на негова адреса, иако смета дека сите предмети против него се политичка одмазда. Груевски од 2018 година е во бегство, а ниту една институција или функционер не презема одговорност за тоа.