“ГРОБИШТА ЗА БРЗА МОДА“: Ова е местото каде што се фрлаат алиштата од Запад

Додека модните брендови произведуваат се повеќе облека за да ги задоволат барањата на пазарот, Западна Африка се дави во отфрлена облека што пристигнува на нејзините брегови секоја недела.

Британскиот јавен сервис Би -Би -Си покажа вознемирувачко видео од една од „гробиштата за брза мода“ во Гана, депонија каде завршува неквалитетна облека од целиот свет.

Многу од овие парчиња облека се хуманитарни донации или облека што завршиле во банки за рециклирање каде што биле земени со најдобра намера и верување дека ќе се продадат и дека парите ќе бидат искористени за добри цели.

Сепак, експертите велат дека љубовта на Британците, но и на Генерацијата З кон „брзата мода“ создава огромен вишок облека со слаб квалитет што се испраќа во странство преку дилери на половна облека и завршува како загадувач на земјите од другата страна на светот.

Новинарот на Би-Би-Си, Томас Нади, посети една од депониите во Гана, каде што завршуваат околу 40 проценти од „половната“ облека. „Годините фрлање западен отпад и пластика го создадоа овој еколошки кошмар“, рече тој.

Гана добива 15 милиони парчиња половна облека од Западот секоја недела. Со децении на оваа облека и се дава „нов живот“ во оваа земја каде цвета пазарот на половни работи, но поплавата од истрошена, лоша облека е толку голема што веќе не може да се „удави“ ниту овде.

„Она што сега доаѓа навистина влијае на нашата индустрија“, вели една продавачка од пазарот Кантаманто, додека друга се жали дека последниот пат воопшто не добиле добра облека. И никој не сака лоша облека.

Парчињата што пристигнуваат во таа африканска земја често се толку искинати и оштетени што е невозможно да се препродадат. Некои трговци дури беа принудени да ги затворат своите тезги бидејќи немаа квалитетна стока да им ја понудат на клиентите.

Ова, пак, значи дека се повеќе ѓубре се испраќа на депонии, и бидејќи потрошувачите од Западот купуваат 60 проценти повеќе облека отколку пред 15 години, ситуацијата ќе се влоши.

Серијата загадување продолжува кога облеката ќе стигне до депонијата, бидејќи многу парчиња завршуваат на брегот и во морето.