22-годишен маж е во критична состојба во грчката престолнина Атина откако се обидел да проголта цел бургер поради облог со пријатели, објави „Прото тема“.
Новинскиот портал TOC објавува дека младиот човек се забавувал со пријатели кога друштвото одлучило да направи облог со предизвик – да изеде цел бургер без да го џвака.
Сепак, за време на обидот, неговите дишни патишта се блокирале, а неговите пријатели не знаеле како да пружат прва помош сè додека не пристигнала брзата помош.
Екипата за итни случаи успеала да го врати дишењето, но лекарите стравуваат дека може да има трајно оштетување на неколку органи, вклучувајќи го мозокот и бубрезите.
