Откако беше хоспитализиран во воената болница Валтер Рид поради инфекција со коронавирус, американскиот претседател Доналд Трамп преку Твитер испрати порака дека е добро. “Минува добро, мислам. Ви благодарам на сите. Ве сакам”, објави Трамп.
За него во болницата во Мериленд ќе се грижат 7.000 членови на медицинскиот персонал, вклучително и некои од најценетите лекари во САД, пишува Дејли меил.
Трамп престојува во претседателскиот апартман, луксузно опремено одделение, во една од 88-те згради на угледен медицински центар. На Одделот 71, Претседателскиот апартман е една од шесте соби резервирани за високи претставници на американската армија и Белата куќа.
Апартманот е специјално опремен со безбедносни уреди и опрема за комуникација, изјави адмиралот Кони Маријано, кој е личен лекар на поранешните претседатели Џорџ Буш и Бил Клинтон.
Медицинскиот центар Валтер Рид исто така вклучува и Институт за истражување Сребрена пролет, каде што научниците работат на развој на вакцина и лекување на заразни болести како што е „ковид-19“.
Претседателското крило содржи трпезарија со кристален лустер, биро на само неколку чекори од болничкиот кревет и простории опремени со софи наменети за прием на посетители. Претседателот има на располагање кујна и конференциска сала. Покрај сето тоа, апартманот е опремен со најсовремена технологија, така што американскиот претседател може да ги извршува своите претседателски должности без пречки.
Инаку, ова е прв пат во последните 39 години актуелниот претседател на САД да биде хоспитализиран во медицински центар во Мериленд. Роналд Реган последен пат беше лекуван во Валтер Рид, откако беше тешко ранет во обидот за атентат врз него на 30 март 1981 година.
