ГО ИГРАШЕ РАЈКО МАЛЕШЕВИЌ ВО “МОЈОТ РОДНИНА ОД СЕЛО“: Почина српскиот актер Танасие Узуновиќ (ВИДЕО)

Српскиот актер Танасие Узуновиќ почина на 81-годишна возраст на Клиниката за итна медицина ВМА, објави „Блиц“.

Узуновиќ неколку дена лежел на ВМА.

Роден е на 25 септември 1942 година во Ниш. Театарска академија завршил во класата на професорката Љиљана Крстиќ.

Освен во театарот, играше во над 50 филмови и ТВ-драми.

Најпознат е по улогата на Рајко Малешевиќ од телевизиската серија „Мојот роднина од село“ (2008 – 2011).

Добитник е на Стериината награда и Октомвриската награда на градот Белград.

Узуновиќ трипати се женел и ја има ќерката Софија.