Манекенката Џој Кориган е позната по провокативните, секси изданија кои не се плаши да ги носи за најразлични прилики – од црвен тепих преку забави до обична прошетка низ град.
Таа неодамна се појавила на Неделата на костими за капење во Мајами – ревијата ја следела од прв ред и тоа во прилично смела комбинација.
Оваа 28-годишна манекенка ѝ е најпозната на јавноста како модел на „Victoria’s Secret“, но и поранешен Плејбој модел кој со гордост ги покажува своите атрибути. Нејзиниот моден стил не е толку импресивен, иако Џој поради високата, витка фигура може со леснотија да понесе било што. Сепак, таа инсистира тоа секогаш да биде провокативно и во тоа настојување прави и модни киксови.
Кориган на споменатата ревија се појавила во сив, долг фустан со длабоко деколте и огромни шлицеви од двете страни кои ги откривале нејзините долги, извајани нозе.
Џој очигледно сакала да ја испочитува самата тема на ревијата, па избрала модел на фустан за на плажа кој го вклопила со уште еден практичен аксесоар за капење и сончање – широка лента за коса со впечатлив принт. Аутфитот го заокружила со сандали на платформа.
Таа решила целата комбинација да ја „зачини“ така што под оваа креација не носела долна облека, а тоа и јасно го покажала позирајќи заводливо пред фотографите.
