На граничниот премин Табановце денеска стигна првата пратка од вакцини на „Фајзер“, донација од Република Србија. Првите 4.800 од предвидените 8.000 вакцини против Ковид-19 на премиерот Зоран Заев му ги предаде српскиот претседател Александар Вучиќ.
Заев пред присутните рече дека како израз на драгоцен чин на пријателство Србија споделува вакцини 4680 вакцини , како израз на пријателска и соседска подадена рака.
-Пакетот од 4.680 од вкупно 8.000 е израз на пријателска и соседска подадена рака за поддршка и прва помош за македонските граѓани додека да стигнат вакцините што ние ги нарачавме, истакна Заев во говорот.
-Ви благодарам на вас Заев што се борите за вашиот народ и тоа што ги баравте вакцините за нив. Од овие неколку илјади вакицни, секако дека ќе спасите, да не кажем неколку десетици, но секако неколку животи, а секој живот е за нас“, изјави Александар Вучиќ.
Покрај оваа пратка се очекува и испорака на 200 илјади дози вакцини од Кина, за кои е потпишан договор во понеделникот. Интерес за вакцинирање преку онлај апликацијата до вчера имаа иразено над 40000 граѓани.