Водителката Лесли Хортон, откако со години трпела критики за нејзиниот физички изглед, решила јавно во програма да им одговори на оние кои ја навредувале.
Откако еден гледач по пат на електронска пошта ѝ испратил порака во која ѝ „честита за бременоста“, Лесли накратко престанала да известува за сообраќајниот метеж и директно му се обратила на испраќачот.
„Само да одговорам на мејлот кој штотуку го добив. Знам, ако веќе носам стари панталони како оние што ги носат возачите на автобуси, морам да очекувам и вакви пораки. Сепак, не сум бремена“, го започнала водителката својот одговор, па додала:
„Всушност, минатата година ја изгубив матката како последица на рак. На крајот на краиштата, вака изгледаат жените на моја возраст. Ако тоа ви е навредливо, баш штета. Размислете малку за мејловите кои ги испраќате“, рекла Лесли во програмата.
Водителката инаку работи на каналот „Global Calgary“ од 1995 година.
Хортон (59) подоцна додала дека прво планирала да прејде и преку оваа провокација. Но, по забелешката за бременоста се почувствувала многу повредена и не можела да премолчи.