115
Поранешниот британски премиер Борис Џонсон бил нападнат од ној за време на посетата на засолниште за животни во Тексас.
Неговата сопруга Кери Џонсон објави видео на социјалните мрежи на кое се гледа како ној оди кон автомобилот во кој се Борис Џонсон и неговиот син, а откако се доближи, нојот ја колве раката на поранешниот премиер низ отворениот прозорец на автомобилот, објави денеска Мирор.
Борис Џонсон скокна од болка по блиската средба со нојот, додека инцидентот го насмеа неговиот син.
Кери вели дека го споделила видеото бидејќи било „премногу смешно“ за да не се објави.