Во моментите кога целиот свет тагува поради смртта на Коби Брајант, неговата ќерка Џиана Џиџи и уште седум други лица, кои настраа во хеликоптерската несреќа во Калифорнија, британскиот јавен сервис Би-Би-Си направи недозволива грешка со која го згрози целиот свет.
Имено, Би-Би-Си ги помеша Коби Брајант и Леброн Џејмс и во веста за трагичната смрт на еден од најдобрите кошаркари во историјата, тие ставија фотографии на Леброн Џејмс, алудирајќи дека токму тој загинал во несреќата.
Ваквиот потег на Би-Би-Си предизвика реакции низ целиот свет, бидејќи еден од најугледните и најпрестижни медиуми, не смее да си дозволи ваква грешка.
„Кој го пушти ова? Би-Би-Си користи снимки на Леброн Џејмс наместо Коби Брајант. Убаво на дресот пишува Џејмс“, напиша еден од гневните корисници на Твитер.
Набргу по овој скандал, уредникот на Би-Би-Си, Пол Ројал ја призна грешката.
– Во вечерниот извештај за смртта на Коби Брајант за Би-Би-Си њуз 10 по грешка искористивме слики на Леброн Џејмс во еден дел од извештајот. Се извинуваме поради оваа човечка грешка – изјави Ројал.
A tribute to Kobe Bryant from the BBC used footage of Lebron James because fuck checking the name on the back of a jersey. All the bullshit I've seen today is why I am utterly ashamed of my profession. There are no standards anymore. pic.twitter.com/C0HD9HmAjH
— Richard Lewis (@RLewisReports) January 26, 2020