Фудбалер на Тотенхем со потекло од Македонија, напаѓачот Дејан Кулушевски се ожени со поранешна фудбалерка на Босна и Херцеговина Елдина Ахмиќ, на свадбата присуствувал и славниот Златан Ибрахимовиќ .
Шведскиот репрезентативец и фудбалер на Тотенхем, со потекло од Македонија, 25 годишниот Дејан Кулушевски и поранешната фудбалска репрезентативка на Босна и Херцеговина, Елдина Ахмиќ, го кажаа судбоносното „да“ на свадба одржана викендов во луксузниот хотел „Мерихил Естејт“.
На свадбата присуствувале околу стотина гости, меѓу кои и екс светската фудбалска ѕвезда Златан Ибрахимовиќ, објавија шведските медиуми.
Свадбената церемонија се одржача со под строги безбедносни мерки, а среќната двојка го резервирала целиот луксузен хотел „Мерихил Естејт“ во западна Сконе за тридневната свадбена прослава.
Кулушевски и Ахмиќ се во врска долго време, а во мај 2023 година ја објавија својата свршувачка. Дејан и Елдина во март во 2024 година објавија дека добиле ќерка.
Македонецот кој игра за Шведска, Дејан Кулушевски долго време игра на врвно ниво во редовите на англискиот премиер лигаш Тотенхем и две години по ред е избиран за најдобар шведски фудбалер.
Покрај за Тотенхем, Кулушевски го носеше дресот и на италијанските прволигаши, Аталанта, Парма и Јувентус, а моментално се опоравува од повреда на коленото поради која го пропушти крајот на сезоната.
29 годишната Ахмиќ во својата кариера одиграла 10 средби за репрезентацијата на Босна и Херцеговина, а го избра дресот на својата татковина пред родната Шведска, каде што ја изгради својата кариера во дресовите на АИК и Бромапојкарна.