Американскиот глумец Кристофер Денис е пронајден мртов во контејнер за собирање облека за бездомници во Сан Фернандо, место во близина на Лос Анџелес, пишува американскиот магазин TMZ. Полицијата потврди дека неговата смрт не е сомнителна, но е покрената истрага за да се открие што се случило.
52-годишниот актер помина 30 години глумејќи го Супермен на булеварот ,,Холивуд”, каде што се сликаше со туристи. Тој се прослави со неговата голема сличност со актерот Кристофер Ривс кој го глумеше легендарниот Супермен.
Американските медиуми пишуваат дека во изминатите неколку години тој останал без дом и дека живеел на улица.
