Доналд Трамп погрешно го изговори името на актерот Силвестер Сталоне на доделувањето на наградите Kennedy Center Honors 2025. Иако ѕвездата од Рамбо го прими медалот, американскиот претседател го нарече „Салоне“.
Доналд Трамп, кој има историја на погрешно изговарање на имињата на своите политички противници, погрешно го изговори името на својот пријател и поддржувач Силвестер Сталоне двапати за време на церемонијата во Овалната соба.
Трамп го претстави актерот од „Роки“ како „мој пријател, прекрасна личност, навистина спектакуларна личност, една од вистинските големи филмски ѕвезди“. Потоа го нарече „Силвестер „Слај“ Салоне“.
Му се обрати на Силвестер со „Салоне“ дури и кога му го стави медалот околу вратот.
Иако Силвестер Сталоне немаше ништо против грешката на Доналд Трамп, неколку корисници на социјалните медиуми остро го критикуваа американскиот претседател.
– Трамп е толку луд што не може ниту да го изговори името на Силвестер Сталоне. Го изговори презимето двапати погрешно како „Салоне – напиша едно лице на X, поранешниот Твитер.
– Трамп требаше да вежба – рече друг.
И други беа исто така разочарани.
– Тој ги претставува луѓето како да чита картички на Халмарк честитки напишани во 3 часот наутро – напишал еден.
Силвестер Сталоне, пејачите Глорија Гејнор и Џорџ Стрејт, рок-групата Кис и актерот Мајкл Крофорд се добитниците на почестите на Центарот Кенеди за 2025 година.
Американскиот претседател Доналд Трамп ги опиша како „група легенди чија работа и достигнувања инспирирале, воздигнале и обединиле милиони и милиони Американци“.
– Ова може да биде најуспешната и најславната генерација на лауреати на Центарот Кенеди што некогаш е собрана – рече Трамп.
Откако победи на претседателските избори во САД минатата година, Силвестер Сталоне го нарече „митска фигура“.
– Се наоѓаме во присуство на вистински митски лик. Ја сакам митологијата. Таа личност не постои на оваа планета. Никој на светот не можеше да го направи она што го направи тој, па затоа сум воодушевен – рече тој.
Сталоне отиде чекор понатаму и дури го нарече Трамп „втор Џорџ Вашингтон“, според The Independent.