Викторија Данченко (27), сопругата на фудбалерот Олег Данченко, почина по тешка сообраќајна несреќа што се случила во Одеса.
Она што е дополнително трагично е што се` се случило истиот ден кога нејзиниот сопруг потпишал договор со Зорја од Луганск и се согласил да се врати во родната земја.
Според информациите кои доаѓаат од Украина, Викторија била зад воланот на мерцедесот на Олег, а сообраќајната несреќа се случила кога удрила во друг автомобил на патот. Нејзиното возило потоа било удрено од камион, а безживотното тело на Викторија пожарникарите го извлекле од искршениот автомобил.
https://www.instagram.com/p/CRuUIQPJyKH/
Пожарникарите со часови имале проблеми да го извлечат телото на сопругата на фудбалерот од возилото, а автомобилот со кој се возела е целосно уништен. Според некои извори од Украина, причина за несреќата е преголемата брзина со која Викторија често се фалела.
Олег Данченко (27) е поранешен млад репрезентативец на Украина, а во својата богата кариера го носеше дресот на Шахтјор, руски Рубин, АЕК Атина, како и бројни помали екипи.