На социјалните мрежи се објавени фотографии од станбени згради во пламен во Уман, град во централна Украина, кој бил погоден од руски проектил, а млада девојка од тој град го снимила моментот откако првата ракета ја погодила нејзината зграда. Со крваво лице и во солзи, таа го снимила својот уништен стан.
„Проектил ја погоди нашата куќа. Сите сме крвави, па деца спиеја тука. Мразам Руси“, рекла девојката во видеоснимката.
Фотографиите од уништени станбени згради во Уман, град во централна Украина, кои биле погодени од руски ракети, се објавени на социјалните мрежи.
«Ракета попала в наш дом. Мы все в крови. Ненавижу русских»
Жительница Умани снимает видео в первые минуты после попадания ракеты
Россияне этому радуются и гордятся своей армией. pic.twitter.com/LKUBSK8lzt
— Денис Казанський (@den_kazansky) April 28, 2023
Фотографиите од уништените згради ги објави и брачниот пар Зеленски.
„Урнатините во Уман и натаму се чистат. Веќе има 13 загинати. Меѓу нив и две деца кои не можеме да ги идентификуваме. Судбината на нивните родители е непозната. Спасувачите ќе работат сè додека не бидат сигурни дека нема никој под урнатините“, навел Зеленски на Твитер и додал дека „само заедно можеме да го победиме рускиот терор – со оружје за Украина, со строги санкции за Русија и соодветни казни за убијците“.
По неговата објава, министерството за внатрешни работи објави дека во зградата во Уман загинале 18 цивили.
Убиена млада жена и 3-годишно дете
Новинската агенција „Интерфакс Украина“ повикувајќи се на локални извори, соопштила дека експлозии биле забележани по полноќ во Кременчук и Полтава во централна Украина, Николајев на југот, како и во Киев и регионот околу престолнината.
Uman… The rubble is still being cleared. There are already 13 dead. Two of them are children that can’t be identified. The fate of their parents is unknown… The rescuers will work until they make sure that no one else is left under the rubble. We can defeat Russian terror… pic.twitter.com/j6jk8HZWkq
— Володимир Зеленський (@ZelenskyyUa) April 28, 2023
Градоначалникот на Дњепар Борис Филатов изјавил дека млада жена и 3-годишно дете загинале во напад на тој град, но не навел детали.
Градската воена управа на Киев соопштила дека противвоздушните единици се во акција.