Eмили Ратајковски, една од најбараните манекенки во последната деценија, конечно се појави и на пистата на „Викторијас сикрет“, и тоа на 35-годишна возраст. Манекенката, актерка и писателка дебитираше вчера на култната модна ревија за 2025 година, втора по ред откако брендот се врати по шестгодишна пауза.
Нејзиниот голем настап предизвика воодушевување кај обожавателите, кои ги преплавија социјалните мрежи со пораки на поддршка, откако Ратајковски сподели видео од своето драматично појавување. „Ова е голема работа за целата заедница“, напиша една комичарка, додека обожавателка додаде: „Отсекогаш сакав да те видам токму таму.
Ратајковски се појави во воодушевувачки розов костим, кој отстапуваше од класичниот изглед со ангелски крилја. Наместо тоа, на грбот носеше огромни розови ливчиња во форма на орхидеја, украсени со блескави светки. Комбинацијата вклучуваше чипкаст розов градник што го истакнуваше нејзиното деколте и високи танга гаќи во иста нијанса.
Иако ѝ беше прв настап за „Викторијас сикрет“, со својот самоуверен чекор и став покажа дека е вистински професионалец во својата работа.