ЕДВАЈ СЕ ГЛЕДА ОД ШЕШИРОТ, НО ГРАДИТЕ СЕ ВО ПРЕДЕН ПЛАН (ФОТО)

by Тони Зографски

Карди Би повторно успеа да го привлече вниманието на црвениот тепих, овојпат со модно издание на кое тешко можеше да му се најде конкуренција. На хуманитарната гала-вечер Baby2Baby во Лос Анџелес, раперката се појави со огромна бела шапка украсена со пердуви, која речиси целосно ѝ го покриваше лицето.

Но, додека нејзиниот идентитет зад необичниот моден додаток беше речиси скриен, деколтето воопшто не остана незабележано. Карди Би носеше долг кремав фустан со нагласен корсет, длабок изрез и златни детали украсени со светкави камчиња. Кројот дополнително ја истакнуваше нејзината фигура, создавајќи впечатлив контраст со шапката што ѝ го засолнуваше погледот.

Станува збор за креација на дизајнерката Тамара Ралф, инспирирана од нејзината колекција висока мода за пролет 2026 година. Раскошната шапка со пердуви беше највпечатливиот дел од комбинацијата, но и практичен предизвик: со толку голем моден додаток, Карди Би мораше внимателно да се движи.

Нејзиното појавување беше дел од гала-вечерта на организацијата Baby2Baby, која собира средства и обезбедува неопходни производи за деца и семејства што живеат во сиромаштија. На настанот присуствуваа бројни познати личности, а Карди Би беше и меѓу музичките ѕвезди на вечерта.

останати вести