Киме Реди (26) едно утро се разбудила и почувствувала дека и е „отрпнат образот“. Не се загрижила многу, потоа сварила кафе и сфатила дека не може да го испие.
Девојката имала чувство дека настинала претходниот ден. Сега се погледна во огледало, а левата половина од лицето и била „долу“!
Киме повикала брза помош, и ѝ рекле веднаш да дојде во болница, бидејќи „најверојатно имала мозочен удар“.
Седум недели подоцна, за време на кои направила бројни анализи и тестови, 26-годишната девојка се уште не знае што и го „парализирало лицето“, пренесува Индипендент.
Лекарите се сомневаа во повеќе причини, но резултатите ја отфрлија можноста за мозочен удар, инфекција или повреда на мозокот.
На крајот претпоставиле дека има проблем со воспаление на нервите, кое со текот на времето ќе помине, со антибиотска терапија и други лекови.
Киме сè уште има потешкотии да јаде, пие или зборува и вели дека го изгубила сетилото за вкус на половина од јазикот.
„Морам да бидам внимателна кога јадам или пијам, а зборувањето може да биде заморно. Се трудам да ја добијам менталната битка со себе, особено кога сум во јавност“, објаснува девојката.
Таа се обидува да му пристапи на проблемот од позитивната страна.
„Сакам да бидам среќна и здрава. Почнав да трчам за да ја подобрам кондицијата“, истакнала таа.
Во следното видео, девојката зборува за својот проблем и признава дека ѝ е особено тешко „бидејќи не може да се насмее“:
