Бјанка Ценсори уште еднаш стана главна тема во светските медиуми, откако се појави во еден од клубовите на Ибица, каде што го привлече вниманието со својот смел моден избор, кој речиси стана нејзин заштитен знак.
Сопругата на Канје Вест се појави во тесно боди во боја на кожа со мрежести детали, комбинација што оставаше впечаток на речиси целосна голотија, а со својот изглед продолжи да ги поместува границите меѓу модата, провокацијата и уметничкиот израз.
Стајлинзите на Бјанка со години предизвикуваат бурни реакции во јавноста. Нејзините комбинации често изгледаат како да се создадени на границата меѓу модната писта и перформансот, а секое нејзино појавување речиси автоматски станува тема на разговор.
На Ибица позираше во минималистичко издание, со долга пуштена коса и високи потпетици, додека во текот на вечерта ѝ приоѓаа други гостинки во клубот, се фотографираа со неа, ја допираа, ја бакнуваа и ги споделуваа тие моменти на социјалните мрежи.
Нејзиното појавување повторно ја отвори старата дебата – дали станува збор за личен моден израз или за внимателно осмислен потег чија цел е да предизвика реакции.
