Британски милионер и водител загина во Порше во обид да собори рекорд

by Тони Зографски октомври 3, 2020

октомври 3, 2020

Бизнисменот и ТВ водител Зеф Ајзенберг (47) загина при обид да го собори британскиот рекорд во брзина на аеродромот Јоркшир.

Основачот на компанија што продава додатоци во исхраната на спортистите ,,Maximuscle” возел Порше 911 Турбо С на аеродромот Елвингтон во Јоркшир во северна Англија кога изгубил контрола над возилото. Ајзенберг, наводно, се обидувал да го собори британскиот рекорд во брзина. Рекордот бил поставен во 1970 година од тркачот Тони Деншам и изнесува 334 км на час.

Британскиот мотосојуз соопшти дека тие се длабоко потресени од несреќата и дека ќе ја испитаат нејзината причина.

„Зеф ја остави зад себе својата партнерка Мирела Д’Антонио и двете деца“, се вели во соопштението на Моторспорт Велика Британија.

Зеф Ајзенберг беше познат зависник од адреналин и претходно учествуваше во рушење на неколку рекорди. Минатата година возеше по песочна плажа во Јужен Велс со брзина од 332 километри на час.

Инаку, аеродромот Елвингтон е популарно место на кое многумина се обидуваат да се соборат рекорди на брзина, но исто така и сцена на голем број значајни несреќи. Ајзенберг имал опасна несреќа таму во 2016 година, додека 10 години порано, поранешниот менаџер на „Top Gear“, Ричард Хамонд, за малку ќе загинеше на истата патека. По несреќата во која возеше авион со скоро 480 километри на час, тој беше во кома две недели.

Британски милионер и водител загина во Порше во обид да собори рекорд

останати вести