Бред Пит наводно води список на колеги со кои никогаш повеќе не сака да снима филм. Тоа барем го тврди актерот Арон Тејлор-Џонсон, кој со Пит глумеше во акциониот филм “Bullet Train”.
Според Тејлор-Џонсон, Пит внимателно бележи со кои актери ужива да работи и со кои не сака повеќе да се најде на ист сет.
„Тој само сака да внесе светлина и радост во светот, и да биде опкружен со луѓе кои се таму за да се забавуваат. Работиш со многу актери и со текот на времето почнуваш да забележуваш: ’Со оваа личност дефинитивно повеќе никогаш.‘ И Бред има список на добри и список на лоши“, изјави Тејлор-Џонсон за “Variety”.
Во текот на својата богата кариера, Пит глумеше покрај некои од најдобрите и најпознатите актери во Холивуд.
Иако официјално не е познато кои имиња се на неговата листа на посакувани и непосакувани соработници, во јавноста кружат шпекулации дека на неа се наоѓаат Кејт Бланшет, Лупита Нионго, Леонардо ди Каприо, Тилда Свинтон, како и неговата поранешна сопруга Анџелина Џоли.